Monday, July 27, 2009

" ഇങ്ങി വയലും വയല്വക്കത്തെ കെണറും കണ്ടോ ?
" ആ " മധു തലയാട്ടി..
"ദിവാന്‍ നാരെ പയറും കയ്പേം പറയ്ക്കുന്നോനെ കാണുന്നുണ്ടോ ങ്ങി ?"
മധു ഒന്നു കൂടെ കുനിഞ്ഞു നോക്കി." ണ്ട്‌ ന്നാലും മീട്‌ കാണുന്നില്ല '
പണിക്കരൊന്നിളകിയിരുന്നു." അത്‌ സാരല്ല.ഓന്റെ കൈയിലെന്താള്ളത്‌ ?"
"ഒരു ചോന്ന ടോര്‍ച്ചും,കൊട്വാളും "എല്ലാം മനസ്സിലായി എന്ന പോലെ ദിവാകരന്‍ നായര്‍ തലയാട്ടി." ഓനെങ്ങോട്ടാ പോയേന്ന്‌ കണ്ടോ ങ്ങി ? "പണിക്കര്‍ക്കു ഹരം പിടിച്ചു.
" വയലീന്നു നേരെ റോടുമ്മ ക്യറി എടത്തോട്ട്‌ "
ദിവാകരന്‍ നായരുടെ തലയാട്ടലിനു ശക്തി കൂടി." ന്നാ ഭഗോതിയെ തൊയ്തിട്ട്‌ ങ്ങി പോയ്ക്കോ മധ്വൊ "
കേള്‍ക്കാന്‍ കാത്തിരുന്ന എന്നോണം മധു എണീറ്റ്‌ കുപ്പായമെടുത്തിട്ട്‌ ഗിയര്‍ മാറ്റി ചാടി ഇറങ്ങിപ്പോയി.എന്നെ കണ്ട ഭാവം പോലും നടിക്കാതെ.
ദിവാകരന്‍ നായര്‍ അന്നു വൈകുന്നേരം തന്നെ 'കള്ളനെ പിടിച്ചു' പോലീസെത്തി.പുലിവാലുമായി.ഒടുവില്‍ സ്റ്റേഷനില്‍ ചെന്ന്‌ 'കള്ളനോട്‌' മാപ്പു പറഞ്ഞാണു നായര്‍ തടിയൂരിയത്‌..

പന്ത്രണ്ടു കൊല്ലങ്ങള്‍ കഴിഞ്ഞിരിക്കുന്നു.വണ്ടി പറമ്പിന്‍ മുകള്‍ സ്റ്റോപ്പില്‍ എത്താറായപ്പോല്‍ ഞാന്‍ അവന്റെ ചുമലില്‍ തട്ടി വിളിച്ചു..മധു ഒന്നു നോക്കി.ചിരിച്ചു.പിന്നെ ഡ്രൈവിങ്ങില്‍ ശ്രദ്ധ കേന്ദ്രീകരിച്ചു.ഒന്നും പറയാന്‍ കഴിഞ്ഞില്ല..സന്തോഷം തോന്നി...അവന്‍ ചിരിച്ചല്ലോ... തിരക്കിനിടയിലൂടെ 'പറമ്പിന്‍ മുകളില്‍' ഊര്‍ന്നിറങ്ങി..മധുവിന്റെ 'മണികണ്ട ട്രാവസും','പ്രകാശു'മൊക്കെ ചീറിപ്പാഞ്ഞു പോയ അതേ നിരത്തിനരികില്‍..പി.എസ്‌.സി. ഹാള്‍ ടിക്കറ്റിന്റെ കഷണം കക്ഷത്തില്‍ തിരുകി വീട്ടിലേക്കു നടക്കുമ്പോള്‍ മനസ്സ്‌ മധുവിനെ അഭിനന്ദിക്കുവാന്‍ തിരക്കു കൂട്ടുകയായിരുന്നു..

2 comments:

  1. It is nice and interesting but i feel sad to read this

    ReplyDelete
  2. Hello Vignesh...very nice story to read...Enikku kure baalya kaala ormakal thirichu thannathinu valareyere kadappaadu...

    ReplyDelete